Federico Valverde goditi pas ndeshjes Reali-Villarreal lojtarin e kësaj të fundit, Alex Baena. Pas goditjes me grusht, lojtari i Villarreal ka vendosur të bëjë një denoncim për sulmin e bërë ndaj tij.
Lajmin e ka bërë të ditur skuadra spanjolle nëpërmjet një komunikate për shtyp, duke konfirmuar kështu edhe lajmin e raportuar në disa mediave.
“Alex Baena pësoi një sulm gjatë rrugës për në autobusin e ekipit pas ndeshjes kudnër Real Madrid në “Santiago Bernabeu.
Në dritën e kësaj situate, lojtari vendosi të bëjë një denoncim kundër agresorit në policinë kombëtare. Villarreal tregon refuzimin e tij ndaj çdo akti dhune dhe beson fuqimisht në versionin e ngjarjeve të lojtarit dhe do ta mbështesë atë në këtë proces”, ka shkruar klubi, ku nuk e përmend emrin e Valverrdes në komunikatë.
Ky konflikt raportohet të jetë nisur në muajin janar të këtij viti, ku pas një dyluftimi në ndeshje e Copa del Rey, lojtari i “Nëndetëses së Verdhë” ka “mallkuar” fëmijën e futbollistit madrilenë që nuk kishte lindur akoma.
Comunicado oficial: Álex Baena
https://t.co/H3Ps4ifP2n pic.twitter.com/HnvPEII5lo
— Villarreal CF (@VillarrealCF) April 9, 2023