Entonjo Elezaj është zyrtarizuar në Maltë te skuadra e FC Sirens. Portieri i afruar me bujë te Kukësi në merkaton e verës, u largua në këtë periudhë hyrje-daljesh. Tashmë ai ka nisur një aventurë të re në kampionatin maltez. 24-vjeçari u trumbetua me të madhe në vendin tonë pasi vinte nga një skuadër siç është Juventusi në Itali.
Por, paraqitjet e tij në portë ishin larg pritshmërive e kjo bëri që ai të aktivizohet vetëm në një ndeshje me fanelën e Kukësit. Shtatlarti ishte titullar vetëm në takimin e Europës kundër Ëolfsburgut, ndërsa më pas s’u përfshi më kurrë në formacion.
Loading ...
