Trajneri i ekipit malazez, Rudar ka folur në një konferencë për shtyp në stadiumin “Elbasan Arena”, për ndeshjen e nesërme me Kukësin. Ai ka pranuar që e kanë studiuar mirë kundërshtarin e nesërm, pra ekipin kuksian, ku një rëndësi të madhe i kishin kushtuar ndeshjes finale me Laçin, për kupën e Shqipërisë. Tekniku Rajdocic ka vlerësuar lojtarët e verilindorëve. Megjithatë ai shprehet optimist për një rezultat pozitiv ditën e nesërme. Fjalën e fundit ai e ka përfunduar duke thënë që të fitojë kush ta meritojë.
“Kukësi është një skuadër që e njohim dhe e vlerësojmë. Kemi shikuar ndeshjet e fundit të tyre dhe sfidën finale me Laçin për finalen që e fituan. Kanë lojtarë cilësor dhe me mjaft vlera. Besojmë se do të dalim me sukses dhe do të jetë një ndeshje në kuadër të të gjitha rregullave të futbollit. Të fitojë futbolli”, ka përfunduar tekniku i “minatorëve”.
Loading ...
Leave a Reply
You must be logged in to post a comment.