Tirana shton radhët, të tjerë vijnë gjatë javës

Tiran e ka nisur javën stërvitore me një prurje të re, atë të mesfushorit shkodran Ansi Nika, por grupi do të jetë edhe më i plotë gjatë javës. Me ekipin e drejtuar nga trajneri Ilir Daja do të bashkohet nesër edhe Afrim Taku, i cili kthehet sot nga Amerika, por nuk mund të dalë menjëherë në stërvitje. Po ashtu, gjatë këtyre ditëve në stërvitje do të jetë edhe mesfushori Asion Daja, i cili ka ardhur te Tirana nga Partizani. Në provë është një lojtar kosovar, Flamur Bajrami, i cili është mesfushor dhe do të testohet nga trajneri Daja. Ndërkohë, është plotësuar edhe stafi teknik me ardhjen e ndihmëstrajnerit Ivan Gvozdenoviç. Me kalimin e ditëve bardheblutë do të jenë më të shumtë në numër, pasi merkatoja nuk është mbyllur. Mungon Gjergji Muzaka për shkak dëmtimi, ndërsa Gentian Muça është huazuar te Kukësi për Kupat e Europës.

Ja 19 lojtarët e pranishëm në stërvitje:

Ilion Lika

Edvan Bakaj

Marsel Çaka

Erando Karabeci

Gilman Lika

Erion Hoxhallari

Olsi Teqja

Ronald Gërxhaliu

David Domgjoni

Endrit Idrizaj

Enriko Papa

Erion Vucaj

Grent Halili

Marvin Turtulli

Senad Sallaku

Majkëll Peçi

Fjoralb Deliaj

Juxhin Mara

Ansi Nika