Teuta ndryshon planet për fazën përgatitore

Skuadra durrsake ka ndryshuar në momentet e fundit planet për fazën përgatitore.

Drejtuesit kanë hequr dorë nga ideja e akomodimit të skuadrës në Ohër, teksa kanë preferuar një tjetër qytet buzë liqenit, por këtë radhë brenda Shqipërisë, si Pogradeci.

Teuta niset ditën e sotme drejt Pogradecit, ku do të zhvillojë edhe përgatitjet përfundimtare para sezonit të ri. Në Pogradec me skuadrën do të bashkohet edhe sulmuesi belg Nikolas Napol.