Bersant Celina është kthyer në një element thelbësor te skuadra angleze e Swansea.
Sulmuesi i kombëtares kosovare ka ndihmuar me 4 gola në 28 ndeshjet e këtij sezoni, teksa ka qënë titullar në të gjitha takimet e “mjelmave”. Paraqitjet e 22 vjeçarit kanë tërhequr vëmendjen dhe të ekspertëve të futbollit, që kanë nisur ta krahasojnë Celinën me ish-yllin e tyre, Gylfi Sigurdsson, tashmë pjesë e Evertonit në Premier League angleze.
Kosovari bën mesatarisht 2.5 gjuajtje për 90 minuta, me një saktësi 26 %, 5.5 driblime, me 67 % saktësi dhe i fiton 53% të dueleve me kundërshtarët e tij.
Një ndër aspektet më mbresëlënëse për kosovarin është aftësia e tij për të pasuar, me 85% saktësi. Kartoni i Celina vlerësohet me 3.5 milionë euro sipas “Transfermarkt” dhe merkato e verës pritet të jetë e nxehtë për 22 vjeçarin.
Loading ...
