Nedim Bajrami nuk do të mund të luajë në “AFC Champions League Two”, pasi Al-Taawoun nuk ka arritur ta federojë mesfushorin shqiptar për këtë kompeticion.
Sipas mediave saudite, kërkesa e klubit është refuzuar nga Komiteti i Qëndrueshmërisë Financiare për shkak të kritereve dhe kushteve të rrepta që duhet të plotësojnë disa klube për regjistrimin e lojtarëve.
Si pasojë, Bajrami humbet mundësinë për të qenë pjesë e aventurës aziatike të Al-Taawoun. Mesfushori iu bashkua skuadrës këtë verë në formë huazimi nga Rangers, ndërsa raportimet tregojnë se klubi saudit ka paguar rreth 200 mijë euro për transferimin e tij të përkohshëm.
27-vjeçari zgjodhi largimin nga Rangers për të gjetur më shumë hapësira, por në ndeshjen e fundit ndaj Al Nassr nuk u përfshi në listën e ekipit, ndërsa tani vjen edhe pengesa e parë në aventurën e tij në Arabinë Saudite.
Lexo gjithashtu
