Apolonia mposhti 2-1 Lushnjën, në nëj takim tejet interesant. Fierakët e mbyllën në avatazh pjesën e parë, pas golit të shënuar nga Gjata (25′). Dyfishimi i shifrave erdhi nga Mihana (64′), çka të dha përshtypjen se llogaritë janë mbyllur. Nuk mendon kështu Pepa (75′), i cili shkurton diferencat. Ky triumf i jep të drejtë Apolonisë që të luajë në Superiore nga sezoni që vjen. Trajnerit të Lushnjës, Ilir Gjyla, nuk i del inati dhe vazhdon me deklaratat injoruese ndaj rivalëve.
Në një intervistë për RTSH SPORT, ai shprehet: Normal të nervozuar po të shikosh një skuadër që ndeshje pas ndeshje ka padrejtësi. Kur shikon skuadra gjyqtarin që jo pak është kontestuar, edhe pse sot nuk mund t’i vë ndonjë faj për të qenë i sinqertë, madje them që Fieri e meritoi fitoren me atë lojë që bëmë ne dhe e uroj për ndeshjen e sotme. Por prapë edhe sot kishte (gabime). Kur shikon një gjyqtar që jo më shumë se 2 javë më parë ka qenë po prapë jashtëzakonisht i kontestuar në Pogradec, po ai gjyqtar vjen prapë këtu.
Duke pasur parasysh të gjitha këto, normale janë trysni që ndodhin te një futbollist. Ti i flet ai të rri me kokë ulur. Flisnim analizën para ndeshjes, rrinin kokëulur. Mirëpo 1 herë, 2 herë, 3 herë mund t’i bësh. Megjithatë nuk i them për t’u justifikuar, sepse u kujtuam të luanim vetëm 20 minutat e fundit dhe e vumë para përgjegjësisë Fierin.
Gjyla shton: Për të qenë i sinqertë unë u ndjeva i tradhëtuar nga e gjithë skuadra. Jo i tradhëtuar por e them në kuptimin që ishte e pamotivuar, mu duk një skuadër apatike. Hymë në pjesën e parë dhe s’ngritëm asgjë. Skuadra ka muaj që ka shok. Në Pogradec hyn goli 1 metër s’ta jep gjyqtari, atje të jep penallti kot, këtu të jep 3 të verdha. Lojtarët ma thanë këtë para ndeshjes, megjithatë nuk është kjo për të justifikuar futbollistët, as mua. Ne jemi skuadër e pjekur, me moshën mesatare 30 vjec. 100% e tyre kanë luajtur në Superiore, unë nuk duhet t’ja fal këto. Unë mendoj që ana psikologjike ndikoi për të qenë shumë pasiv në fushë. Të them të drejtën Apolonia na rrahu me dëshirë. Ata kishin dëshirë ne s’kishim dëshirë.Play off? Unë nuk isha i pranushëm këtu në Ligën e Parë për të hyrë në Superligë, unë s’mund të jem i pranueshëm në play off.