“Rrëshkasin” në moment të gabuar, STAROVA bën “avokatin” e CUNGUT

Specialisti i futbollit dhe ish-trajneri i Partizanit Sulejman Starova në emisioni “Rubrika Sportive” në “RTSH Sport” lartësoi paraqitjen e dy titullarëve të Teutës Gerhard Prognit dhe Isli Hidi, të cilët bënë të mundur të siguronin një fitore me përmbysje ndaj pretendetëve për titullin kampion Kukësit. Për sa i përket dështimit të dytë radhazi në kampionat Starova doli në mbrojtje të Cungut.

“I pati të gjitha kjo ndeshje: spektakël, drita gola dhe roli i individit. Progni me atë eurogol i dha një dorë shumë të madhe lojës sepse dukej shumë e vështirë të gjente golin. Rolin e individit e gjejmë edhe te Hidi që nuk e la të barazohej ndeshja. Kur ke lojtarë cilësorë, kjo është e mira, në momentin që kundërshtari shënon, mbron rezultatin dhe inkuadron një mbrojtës të pestë bëhet e vështirë t’i ccash. Individët i japin forcë Teutës. Mos të harrojmë që ende sulmi nuk ka shpërthyer, Vajushi ende nuk po luan. Për atë spektakël kanë të dyja skuadrat.

Në lidhje me humbjen e Kukësit, faj nuk ka trajneri”, u shpreh Starova.