Historia e dashurisë mes Nicolo Zaniolos dhe Romës po përfundon në mënyrën më të keqe të mundshme. Vetëm 1 vit më parë palët festuan në “Air Albania” trofeun e Conferece League, ndërsa tashmë mund të përfundojnë në gjykatë.
Refuzimi i lojtarit italian për të kaluar te Bournemouthi nuk është pritur mirë nga drejtuesit, të cilët ditën e djeshme morën vendimin drastik ndaj tij. Tashmë Zaniolo është i dalë jashtë planeve të verdhekuqve dhe në të tilla kushte lojtari mendon ti çojë në gjykatë.
Sipas “Il Messaggero”, familja e lojtarit beson se Giallorossët ushtruan presion mbi të dhe e larguan atë nga skuadra duke shkaktuar një ‘masakër mediatike’ që goditi italianin.
Prandaj, ata tashmë kanë njoftuar Assocalciatori se duan të padisin klubin për keqtrajtim. Zaniolo nuk u stërvit me Romën në dy ditët e fundit, duke u kthyer në qytetin e tij të lindjes, La Spezia.
#zaniolo in tribunale, pronto a fare causa contro la Roma per pressioni psicologiche e mobbing https://t.co/obgIYx89ll
— Il Messaggero – Sport (@MessaggeroSport) January 31, 2023
