Një faull i mbrojtësit të Vllaznisë, Pjeshkës ndaj Muzakës ka qenë sa i rrezikshëm aq edhe qesharak njëkohësisht.
Në minutën e 71-të, dyluftimi mes Pjeshkës dhe mesfushorit të Tiranës përfundoi me “përqafim” të mbrojtësit shkodran ndaj Muzakës.
Mesfushori bardheblu mbeti në fushë i dëmtuar, ndërsa gjyqtari kryesor çuditërisht nuk i dha karton Pjeshkës që atë faull të rëndë ndaj Muzakës.
Ndërkohë që në minutën e 76-të, mesfushori i Tiranës ia la vendin Ansi Nikës. Muzaka dëmtohet dhe lë fushën e lojës i shoqëruar në dhomat e zhveshjes nga fizioterapisti i skuadrës së Tiranës, Arzen Voci.
