Shkëndija e Tetovës ka bërë përforcimin e radhës në këtë merkato dimri. Klubi kuqezi ka njoftuar në ëebsajtin zyrtar se ka arritur marrëveshjen me mbrojtësin nigerian Alma Abbo Wakili.
21-vjeçari është vlerësuar në Lituani si më i miri në rolin e tij. Kësisoj skuadra e drejtuar nga Qatip Osmani është përfocuar në krahun e majtë të mbrojtjes.
NJOFTIMI I KLUBIT TË SHKËNDIJËS SË TETOVËS:
KF Shkëndija konfirmon zyrtarisht marrëveshjen me mbrojtësin nigerian Alma Abbo Ëakili. 21 vjeçari vjen nga Trakai i Lituanisë dhe pritet të përforcojë krahun e majtë të mbrojtjes.
Futbollisti nga Nigeria la përshtypje pozitive në dy përballjet Shkëndija-Trakai në turin e tretë eliminator të UEFA Europa League, pas çka gjithë këtë periudhë ishte nën monitorim të stafit teknik.
Edhe pse në moshë të re, ai vlerësohet mbrojtësi i majtë më i mirë në kampionatin lituanez, me një shpejtësi admiruese, ndërsa në Europë ka zbarkuar përmes AS Eupen të Belgjikës.
Kështu kuqezinjtë mbyllën me sukses negociatat me futbollistin dhe Trakain, duke e sjellur zyrtarisht Ëakilin në Tetovë. Shkaku i vizës nigeriani nuk do të mund të bashkohet me skuadrën në fazën përgatitore në Antalia të Turqisë dhe këtë periudhë do të stërvitet me ekipin e juniorëve kuqezi në Tetovë.