Skuadra e Klopp vetëm disa ditë më parë, humbi ndeshjen finale të Community Shield kundër rivalëve të tyre Manchester City. Liverpool u mund nga City pas goditjeve të penalltive dhe Guardiola i “rrëmben” një titull tjetër trajnerit të Liverpool, Klopp.
Kampionë e Europës edhe pse humbën në këtë sfidë verore, kanë zgjedhur që mos të bëjnë asnjë transferim gjatë merkatos verore. Merkato tashmë për skuadrat angleze është mbyllur dhe ato nuk mund të bëjnë asnjë blerje por vetëm shitje në drejtim të skuadrave jo-angleze. Klopp i ka besuar të gjithë grupit që ka pas nga sezoni i kaluar, dhe me disa deklarata në media se çmimet e lojtarëve janë të papërballueshme dhe Liverpool nuk mund të bëj blerje siç bën, PSG, CITY apo REAL MADRID, ka treguar qartë se futbolli po ndryshon dhe paraja po e blen atë.
Synimi kryesor i Liverpool për edicionin e ri do të jetë fitimi i Premier League, një trofe i cili mungon prej dekadash në qytetin që e “dashuron” futbollin.
Loading ...
