Pa filluar sezoni pak kush e mendonte se Skënderbeu do të ishte një skuadër e fortë, pas problemeve që ka në UEFA, mirëpo korçarët kanë bërë që për ta të ndërrohet përsëri opinioni. Në krye te ekipit ka ardhur dikush që e njeh shumë mirë atë ambient, kush më mirë se Orges Shehi. Madje deri më tani ka arritur të bëjë shumë mirë, pasi në 3 ndeshje zyrtare ka marrë 3 fitore, duke sjellë në shtëpi trofeun e Superkupës, pasi në finale triumfuan ndaj Laçit.
Starti është shumë i mirë, madje më i mirë se i një sezoni më parë. Me Ilir Dajën vitin e shkuar në dy takimet e para, kampionët grumbulluan 4 pikë, 2 fitore dhe një barazim, ndërsa nën drejtimin e Orges Shehit janë me pikë të plota, pasi fituan ndaj Partizanit në shtëpi dhe Kastriotit në transfertë.
Përsa i përket ndeshjes së ardhshme mbetet për t’u parë nëse bardhekuqtë do të “korrin” një tjetër 3 pikësh, ku në shtëpi presin Laçin.
Loading ...
