Pas Holandës dhe Argjentinës, tashmë është rradha e të tjera kombëtareve të sigurojnë biletën për në çerekfinalen e Kupës së Botës. Dita e sotme ka rezervuar dy sfida mjaft interesante, ndërsa do të mësojmë edhe çiftin e dytë çereekfinalist.
Në orën 16:00 në fushën e blertë do të jetë radha e Francës të përballet me Poloninë. Një duel ku “Gjelat” padiskutim janë favoritë për t’i shkuar deri në fund këtij trofeu, ndërkohë nga krahu tjetër polakët të udhëhequr nga Robert Lewandowski do të kërkojnë surprizën ndaj kampionëve në fuqi.
Senegali është pengesa e radhës e Anglisë në Kupën e Botës. “Tre Luanëve” të Gareth Southgate nuk u lejohen hapat fals, pasi kanë detyrimin të vazhdojnë rrugëtimin deri në fund, ndërsa senegalezët pa Sadio Mane do provojnë gjithça deri në fund.
