Një selfie speciale nga Mavraj për festën e Bajramit

Në këtë ditë të shënuar për gjithë besimtarët myslimanë siç është Fiter Bajrami as lojtarët e Kombëtares nuk iu kanë munguar faljeve dhe urimeve. Mërgim Mavraj ka zgjedhur të falë namazin e kësaj dite të shënuar në ‘’Bulevardin Dëshmorët e Kombit’’, së bashku me qindra besimtarë të tjerë. Ky është vendi që besimtarët janë të detyruar të ndjekin faljen deri në momentin e ndërtimit të xhamisë së re të Namazgjasë.

Ai ka uruar të gjithë ndjekësit e tij në rrjetet sociale për këtë ditë. Mirëpo zgjedhja e fotos është quajtur paksa kontradiktore, sepse Mavraj uron me foton e Gjergj Fishtës që ka qenë i besimit të krishterë.

Mavraj gjithmonë e ka bërë të ditur përkatësinë e tij fetare dhe devotshmërinë ndaj besimit. Në çdo ndeshje të mirë që ai luan nuk ka harruar të falenderoj zotin dhe të jetë mirënjohës ndaj tij. Kohët e fundit ai është përfshirë edhe në polemika të tjera kur ka refuzuar të veshë fanellën e sponsorit të Kombëtares, vetëm e vetëm sepse ajo ishte e një pijeje alkolike.