Ndeshjet shtëpiake të Kosovës luhen në Shqipëri

Përfaqësuesja e Kosovës nuk mund t’i luajë në stadiumin e Mitrovicës ndeshjet kualifikuese të kampionatit botëror Rusi 2018 për arsye sigurie. Ky është vendimi i përcjellë nga UEFA për Federatën e Futbollit të Kosovës, që do të thotë se duhet gjetur një stadium alternativ,që sipas të gjitha gjasave mund të jetë “Elbasan Arena”. Në këtë stadium Kosova mund të zhvillojë ndeshjet e saj si ekip pritës dhe nuk ka dyshim që do të jetë njësoj si në shtëpinë e saj. Stadiumi i Mitrovicës do t’i nënshtrohet rikonstruksionit dhe mendohet të jetë gati vjeshtën e vitit të ardhshëm. Deri atëherë, Kosova do të luajë në Shqipëri, sipas të gjitha gjasave.