Kombëtarja shqiptare do të luajë nesër kundër Islandës, ndeshje e vlefshme për kualifikueset e Ligës së Kombeve. Edhe pse kuqezinjtë u mposhtën në Izrael, 2-1 duke humbur mundësinë për të shkuar në Grupin A, tifozët shqiptarë kanë zgjedhur të jenë aty në mbështetje të ekipit tonë përfaqësues.
Është Florian Riza që ka zbuluar se deri tani janë shitur rreth 10 mijë bileta për takimin e fundit të Shqipërisë, që bën pjesë në Ligën 2. Një shifër e konsiderueshme kjo duke ditur se jemi ende më shumë 24 orë larg zhvillimit të takimit.