Te Chelsea është kohë për rinovimet. Drejtuesit kanë menduar të nisin nga puna për të mbajtur në skuadër lojtarët që cilësohen të rëndësishëm për projektin e bluve.
Në këtë mënyrë i pari që i paraprin listës së gjatë të lojtarëe është N’Golo Kante. Francezit i skadon kontrata në fund të sezonit dhe për të mos e humbur me parametra zero, Blutë kanë menduar të rinovojnë për 2 sezone.
Edhe pse 31-vjeçari është larg fushave që nga shtatori, përsëri te Chelsea e konsiderojnë mesfushorin të rëndësishëm dhe pritet të rinovojë dhe të qëndrojë në “Stamfrod Bridge”.
