Ishte parashikuar prej kohësh, por vetëm sot erdhi dhe zyrtarizimi.
Frenkie de Jong është futbollisti më i ri i Barcelonës. Dita e sotme ishte dhe e para për holandezin si një lojtar i spanjollëve, ku fillimisht kreu vizitat mjekësore dhe më pas vëzhgoi nga afër ambientet e klubit.
Blerja e tij ishte arritur që prej janarit të këtij viti, por Barcelona e lejoi që të mbyllte sezonin fenomenal me Ajaxin e tij.
Kartoni i 22 vjeçarit i kushtoi arkave të blaugranëve rreth 75 milionë euro plus 11 milionë të tjera në formë binusesh. Me Barcelonën, mesfushori ka firmosur për 5 vite, prej të cilës do të përfitojë rreth 16 milionë euro në vit.
Loading ...
