Sulmuesi i Napolit Victor Osimhen ka kryer sot të gjithë seancën stërvitore me pjesën tjetër të ekipit. Klubi i Napolit e dha këtë njoftim në raportin e tyre të zakonshëm pas stërvitjes. Skuadra po përgatitet për ndeshjen kundër Veronës ditën e nesërme në stadiumin “Diego Armando Maradona” në orën 18:00. Nigeriani do të jetë pjesë e ekipit për sfidën e nesërme dhe mund të jetë i gatshëm plotësisht për çerekfinalen e kthimit ditën e martë ndaj Milanit. Osimhen mungoi çerekfinalen e parë në “San Siro”, çka i penalizoi shumë napoletanët pasi u mundën 1-0 duke mos mundur do të çojnë topin në rrjetë. Gjithashtu me grupin në stërvitje u bashkua dhe Gaetano, ndërsa Giovanni Simeone i është nënshtruar terapisë.

pic.twitter.com/DOuJrJFdMT

— Official SSC Napoli (@sscnapoli) April 14, 2023