Klubi i Shkupit po kalon një moment tepër të vështirë. Sezonin e fundit bardheblutë e kryeqytetit në Maqedoninë e Veriut grumbulluan vetëm 1 pikë, duke rënë nga elita e futbollit.
Mirëpo, situata është alarmante, ndërsa së fundmi klubi shkupjan ka reaguar në rrjetet sociale. Shkupi u bën thirrje biznesmenëve të qytetit që në këtë periudhë tepër të vështirë t’i vijnë në ndihmë klubit me investime.
REAGIMI:
Të nderuar biznesmenë të Shkupit, Klubi ynë po kalon nëpër një periudhë shumë të vështirë. Pas marrjes së klubit nga pronësia e mëparshme, kemi trashëguar shumë borxhe dhe probleme të akumuluara. Megjithatë, tashmë kemi nisur një proces serioz për stabilizimin dhe rimëkëmbjen e klubit.
Për të ardhmen e FC Shkupit, kemi nevojë për njerëz dhe biznese që besojnë në këtë klub dhe janë të gatshëm të jenë pjesë e rrugëtimit tonë. Shumë shpejt do të fillojmë me reklamat në të gjithë stadiumin, ndërsa në fanellat e reja do të vendosen logot e sponsorëve që do të qëndrojnë pranë klubit në këto ditë të vështira.
Si kryesi e klubit, ju garantojmë 100% transparencë në çdo bashkëpunim. Çdo biznesmen që dëshiron të investojë dhe të ndihmojë FC Shkupin do të jetë i mirëpritur. Shkupi është i të gjithëve. Tani është koha të bashkohemi dhe ta rikthejmë klubin aty ku e meriton!
View this post on Instagram
Lexo gjithashtu
