Merkato ende s’është hapur, ndërsa te Partizani kanë nisur të mendojnë për përforcimet e verës. Lucas Cardoso është një nga lojtarët e njohur të kampionatit shqiptar nën pronësi të të kuqve. Braziliani fillimisht u huazua në Kosovë për të ardhur më pas te Besa e Kavajës. Tanimë periudha e huazimit të 26-vjeçarit ka përfunduar dhe do të rikthehet në kampin e kuq.
Është stafi teknik i Partizanit që ka këmbëngulur për ta parë disa ditë lojtarin në mënyrë që të ketë informacion për të. Më tej do të vendosët nëse do t’i rinovohet ose jo kontrata. Cilësitë tekniko-taktike s’i mungojnë, mirëpo fjalën e fundit për të pritet ta thotë trajneri Adolfo Sormani.
