Kanë përfunduar edhe 12 ndeshjet e tjera të Europa League-s për mbrëmjen e sotme, ndërsa janë regjistruar rezultate surprizë.
E tillë ishte humbja e Interit ndaj Sauthempton në Angli, një disfatë me rezultatin 2-1 që erdhi pas një përmbysjeje të vendasve në pjesën e dytë.
Edhe Vijareal ka pasur fatin e Interit, në sfidën që luajti në Spanjë kundër turqve të Osmanlinspor që fituan 2-1.
Karabaku i Ansi Agollit fitoi në Greqi kundër PAOK-ut 1-0, ndërsa kapiteni i Kombëtares u aktivizua si titullar.
Zyrihu i Burim Kukelit barazoi në shtëpi 0-0 kundër Steua Bukuresht. Mesfushori kuqezi u aktivizua si titullar, ndërsa Armando Sadiku nuk u grumbullua sërish për shkak dëmtimi.