Kukësi vijon përgatitjet në Mavrovë për ndeshjen e parë zyrtare për këtë sezon ndaj Partizanit për Superkupën e Shqipërisë. Ky takim do të luhet më 18 gusht në “Elbasan Arena”, ndërsa verilindorët kanë vendosur që ditën e nesërme skuadra të zbres në fushë për një takim miqësor ndaj Vllazërimit. Kjo do të jetë ndeshja e parë për trajnerin Duro që kur ka marrë drejtimin e skuadrës.
Verilindorët kanë bërë disa afrime cilësore deri më tani, por reparti që ka nevojë urgjente për afrim është qendra e mbrojtjes. Cuculi është larguar, ndërsa Shameti deklaroi pak më parë se nuk do të jetë më pjesë e Kukësit. Trajneri Dura ka në dispozicion vetëm Olsi Teqjen dhe Krasniqin me këtë të fundit që nuk është rikuperuar ende nga dëmtimi i rëndë që pësoi sezonin e kaluar. Mbrojtësi do ende kohë të fillojë përgatitjet me skuadrën dhe në këtë mënyrë drejtuesit e klubit duhen të gjejnë urgjent një qendërmbrojtës pasi rrezikojnë që në takimin ndaj Partizanit, trajneri Duro të improvizojnë një lojtar tjetër për këtë repart.