Ish-mbrojtësi i Kombëtares (64 ndeshje, periudha 2005-2013), Armend Dallku, tashmë në pozitën e trajnerit, është prezantuar te ekipi i Dukagjinit në Superligën e Kosovës.
Për 43-vjeçarin, ky është një rikthim në ekip, pasi i ka drejtuar nga viti 2020 deri në 2024. “KF Dukagjini njofton se ka arritur marrëveshje me kryetrajnerin e ri, Armend Dallku, i cili rikthehet edhe një herë në krye të skuadrës sonë.
Dallku është një emër i njohur për klubin dhe futbollin kosovar, ndërsa rikthimi i tij përfaqëson një hap të rëndësishëm në vazhdimësinë e projektit dhe ambicieve të KF Dukagjinit.
Klubi beson se përvoja, profesionalizmi dhe përkushtimi i tij do të jenë vlera të rëndësishme në arritjen e objektivave tona sportive”, ka shkruar klubi i Dukagjinit. Përveç skuadrës në fjalë, Dallku ka drejtuar edhe Prishtinën e Vushtrrinë.
View this post on Instagram
Lexo gjithashtu
