Kukesi
Klubi i Kukësit, ka njoftuar në rrjetet sociale transferimin e sulmuesit Ruend Zaçellari. Talenti korçar ka dalë nga akademia e Skënderbeut, ndërsa ka luajtur edhe me moshat e Shqipërisë.
Ky është hapi i parë në një ekip kryesor, jo të moshave për Zaçellarin, ndërsa skuadra verilindore “freskon” repartin ofensiv. “Futboll Klub Kukësi ka kënaqësinë të njoftojë afrimin e Ruend Zaçellarit, i cili ka firmosur një kontratë 4-vjeçare me klubin tonë.
Sulmuesi 19-vjeçar, i bashkohet skuadrës pasi ka zhvilluar rrugëtimin e tij te ekipet zinxhir të Skënderbeut, duke u konsideruar një nga futbollistët premtues të kampionatit U19. Klubi i uron Zaçellarit mirëseardhje dhe shumë suksese me fanelën blu. Mirë se erdhe, Ruend!”, ka shkruar Kukësi.
View this post on Instagram
Poll
Lexo gjithashtu
