Filip Boshkovski është futbollisti më i ri i Flamurtarit. Ashtu siç u raportua nga "Newsport.al" pak orë më parë në momentin e firmës, tashmë transferimi i mbrojtësit të krahut të djathtë ka marrë trajtën zyrtare.
25-vjeçari shihet si afrim me peshë për trajnerin Oltijon Kërnaja në repartin defensiv, shtuar këtu dhe faktin që maqedonasi kalon në Vlorë si lojtar i lirë pas eksperiencës me Pelister Bitolan në sezonin e fundit. Vlera e Boshkovskit, sipas "Transfermarkt" kap 125 mijë eurot.
Kështu, trajnerit tropojan i përforcohet një tjetër repart dhe i drejtohet sezonit të ri në Kategorinë e Parë me ambicien për t'u rikthyer edicionin pasardhës në Superiore. Ky është dhe transferimi i 11-të, realizuar nga klubi vlonjat në këtë merkato të verës.
NJOFTIMI:
ZYRTARE | Filip Boshkovski i bashkohet Flamurtari F.C.!
Flamurtari F.C. ka kënaqësinë të prezantojë afrimin më të ri të skuadrës, mbrojtësin e djathtë Filip Boshkovski, i cili bashkohet me ekipin për sezonin e ri.
Datëlindja: 28 Tetor 2000
Kombësia: Maqedonia e Veriut
Gjatësia: 1.79 m
Pozicioni: Mbrojtës i djathtë
Mirë se erdhe në familjen kuqezi, Filip!
Lexo gjithashtu
