Briken Çalja u rendit në vendin e 4-të në Lojërat Olimpike të Tokyo 2020 në peshëngritje. Sportisti kuqezi arriti në 341 kg në stilin e shtytjes dhe dygarësh duke vendosur një rekord për sportin shqiptar pasi akush më parë nuk ka arritur të renditej i 4-të në Lojërat Olimpike. Pas garës, në një prononcim për KTV, Çalja u shpreh se është shumë I kënaqur me këtë rezultat që është edhe historik për vendin tonë.
”Me rezultatin jam jashtëzakonisht i kënaqur. Mos të harrojmë se në shtytje dola i treti, një rezultat fantastik. Rezultati më i mirë i sportit shqiptar në histori shqiptare. Mos të harrojmë se unë kam zënë vendin e gjashtë në Londër, të pestin në Rio.
Isha vetëm një vend larg medaljes, por ky është sporti. Është rezultat historik. Dua të falënderoj familjen time jashtëzakonisht shumë, për shkak se kemi kaluar një situatë jo të mirë. Falënderoj Zotin që ka dal mirë gjithçka. Duhet të jemi të lumtur për rezultatin, është rezultat historik dhe jam shumë i lumtur”, u shpreh Çalja.
Loading ...
