Menjëherë pas ndeshje ka folur edhe mbrojtësi i Kombëtares Elseid Hysaj. Në prononcimin për RTSH-në, lojtari i Napolit nuk e cilësoi dhe aq të keqe paraqitjen e skuadrës ndaj Skocisë, duke thënë se ajo që prishi balancat ishte goli i parë në fillim të pjesës së dytë.
“Nuk erdhëm për të barazuar por ashtu erdhi loja pasi janë një ekip i fortë. Loja ishte e barabartë në fillim pasi dhe ne patëm disa raste. Por goli i pësuar solli ndryshimin e lojës sonë dhe prishi balancat. Skocia është një nga pretendetët, luajtën me topa të gjatë dhe ishte shumë e vështirë. Nuk ishim dhe aq keq por pjesa e dytë na vuri poshtë. Besoj se me katër mbrojtësa jemi mirë”, ishin fjalët e Hysaj pas humbjes.
Loading ...
