Vllaznia fundos Bylisin dhe fiton 0-1 në transfertë. Ballshiotët humbasin një shans të artë për të marrë pikë e për t’u larguar nga zona e ftohtë. Ndeshja u vendos nga një gol i shënuar nga Albion Avdiaj në pjesën e parë. Sulmuesi goditi saktë me kokë duke mposhtur portierin Qirko dhe me këtë gol të shënuar riktheu Vllazninë të fitorja pas 3 rezultateve jo të mira. Me këtë fitore, Vllaznia shkon në kuotën e 57 pikëve në vendin e 4-të, ndërsa Bylis në vendin e 9-të me 30 pikë.
Trajneri i Bylisit, Velkjo Dovedan refuzoi të fliste në konferencën pas ndeshjes. Gazetari, Alban Xhihani sqaroi se trajneri i Bylisit i kishte kërkuar që të mos të fliste pasi nuk kishte çfarë të thoshte. Më tej, gazetari i Supersport, tregoi se trajneri ishte tepër i dëshpëruar dhe tha që ndeshja me Vllazninë ishte shansi i fudit për të mbijetuar në Superligë.
Loading ...
