Federata Shqiptare e Futbollit ka njoftuar mbledhjen e radhës së zhvilluar përmes video-konferencës, ndërmjet anëtarëve të Komitetit të UEFA-s. I pranishëm ka qenë edhe presidenti Duka, ndërsa është lajmëruar që mbledhja e radhës do të zhvillohet në Tiranë. Përmes njoftimit në kanalin zyrtar bëhej me dije:
“Komiteti HatTrick i UEFA-s (Komiteti i promovimit dhe zhvillimit të Futbollit në gjithë Europën) është mbledhur sot përmes video-konferencës për të diskutuar ecurinë e projekteve dhe implementimin e tyre. Në këtë mbledhje mori pjesë edhe Presidenti i FSHF-së, Armand Duka, në cilësinë e Nën Kryetarit të “HatTrick”.
Një nga temat kryesore ka qenë diskutimi dhe miratimi i projekteve të paraqitura në këtë komitet. Gjithashtu në këtë mbledhje është diskutuar lidhur me bashkëpunimin në projektin e zhvillimit të futbollit FIFA Forward, apo ecuria e punës së Akademisë së UEFA-s.
Ndërkaq, takimi i radhës i Komitetit HatTrick të UEFA-s do të mirëpritet nga FSHF në Tiranë më 11 mars 2021. Në fakt, ky komitet kishte përzgjedhur Tiranën për të zhvilluar mbledhjen e 11 tetorit 2020, por për shkak të pandemisë Covid-19 pati një ndryshim të axhendës”.