Të dielën, Partizani do të luajë kundër Korabit, ndeshje e vlefshme për javën e 35-të të Superiores. Dy ditë para kësaj sfide, tifo-grupi “Ultras-Guerrils” i bën thirrje të gjithë mbështetësve të kuq për të qenë të pranishëm në stadiumin “Selman Stërmasi”. Përmes një njoftimi në faqen zyrtare në facebook, ata shkruanin:
“Të dielën, ora 17:30, luajmë ndeshjen e parafundit të sezonit në stadiumin “Dinamo”!
E kuptojmë që për shumë prej jush zhgënjimi është i madh në këtë fund kampionati, por “Guerrils” shkon gjithmonë përtej zhgënjimit dhe duam që këtë ta bëni dhe ju!
Sepse ka një arsye, ajo më e madhja nga të gjitha:
Partizoni ynë nuk është një dashuri e madhe, është vetë dashuria! Nuk është një ekip që lufton që thjesht lufton për titull, janë titujt që zbukurohen kur qëndrojnë poshtë yllit tonë të bukur.
Sepse ne jemi gjithnjë aty prezentë, përtej rezultatit dhe kurrë nuk do rreshtim së ndaluari. Dhe natyrisht vrullin tonë dhe dashurinë tonë të pakufijshme nuk do ta ndalin as Gicërat, Takërat e Dukërat!
Të dielën, ora 17:30 luan Legjenda!
Prezenca detyrim për të gjithë
Hap pas hapi unë pas teje pa pushim
Nuk e di ç’a m’ka pushtu’ a osht dashni!”, përfundon njoftimi i ultrasve të kuq.