Sot, në Federatën e Futbollit të Kosovës është hedhur shorti për çerekfinalet e Kupës. Goglat kanë përcaktuar një përballje mjaft interesante, ajo mes Feronikelit kundër Prishtinës. Kryeqytetasit priten ta kenë mjaft të vështirë në transfertë, pasi objektiv i vetëm i Niklit është Kupa e Kosovës.
Një ndeshje tjetër që ka tërhequr interes është ajo mes Llapit dhe Trepçës ’89 që do të luhet në Mitrovicë. Istogu do të presë A&N, ndërsa Dukagjini do të përballet me Drenicën. Ndeshjet janë vendosur të zhvillohen me 16 dhe 17 mars.
ÇEREKFINALET E KUPËS SË KOSOVËS:
Feronikeli – Prishtina
Trepca’89 – Llapi
Istogu – A&N
Dukagjini – Drenica