Federata Shqiptare e Futbollit, e prerë për kriteret që duhet të plotësojnë klubet shqiptare për t’u licencuar në kategoritë respektive për sezonin 2017-2018.
Eduard Gjini, personi përgjegjës në FSHF që duhet të asistojë klubet për plotësimin e kritereve të Licencimit, paralajmëron të gjitha skuadrat, veçanërisht ato që mund të arrin pjesën në Kupat e Europës, se afati i fundit për dorëzimin e dokumentacionit të plotë është data 28 shkurt.
“Kriteret janë 5 për licencimin e një klubi, është kriteri sportiv,i infrastrukturës, i administratës dhe personelit, kriteri ligjor dhe kriteri i pasqyrës financiare. Natyrisht që kriteret ndryshojnë sipas kategorive.
Kërkesa që kemi këtë vit dhe që duhet ta përmbushin të gjitha kubet është kjo. Më 28 shkurt është afati i fundit që klubet që marrin pjesë në kompeticionet që organizon FSHF duhet të përmbushin katër kriteret e para, që të jenë të gatshëm për të aplikuar për licencën e sezonit 2017-2018. Kjo është më e rëndësishme për klubet që do të marrin pjesë në kupat e Europës.
Janë 6 ekipe që kanë mundësi të luajnë në Europë, Kukësi, Skënderbeu dhe Partizani si dhe tre ekipe të tjera që janë në Kupë, dhe mund të luajnë në Europë nëpërmjet këtij kompeticioni. Deri më 28 shkurt këto skuadra janë të detyruara të plotësojnë katër kriteret e para”, deklaroi Gjini për “Supersport”.
Precedentët “Tërbuni” dhe “Korabi”, në dy sezonet e fundit, kanë një mësim i mirë për FSHF-në, që tashmë është e vendosur për të mos toleruar asnjë aktor të garës në përmbushjen e kritereve për pjesëmarrjen në garë.
“Të gjitha klubet nga Superiorja në kategorinë e Dytë duhet t’i përmbushin kushtet, sigurisht që disa janë më para në këtë aspekt. Mund të veçoj Kukësin dhe Teutën. Ka edhe skuadra nga Kategoria e dytë si Maliqi që i ka përmbushur të gjitha kriteret, apo Shkumbini në kategorinë e parë e Luftëtari në Superiore që i kanë vënë punët përpara. Nëse një klub nuk përmbush kriteret e parashikuara sipas kategorive, atëherë komisioni i licencimit nuk do t’ia japë licencën për të marrë pjesë në garë në kategorinë përkatëse.”
Të gjitha këto masa që po merr FSHF për licencimin e klubi a sipas Gjinit, kanë një qëllim madhor:
“Ne po vëmë një gur themeli që në të gjitha fushat e kategorisë superiore por edhe në kategorinë e parë të luhet një futboll cilësor.”
Loading ...
