Fusha e stadiumit të Skënderbeut është pastruar tërësisht nga bora. Edhe pse kishte arritur disa centimentra, drejtuesit e klubit korçar kanë punuar intensivisht për të bërë gjithçka gati për takimin e nesërm kundër Vllaznisë. Federata Shqiptare e Futbollit kishte vënë ultimatum që fusha të pastrohej tërësisht për të qenë e lirë për sfidën e nesërme.
Nga disa foto të postuara në rrjetet sociale nga gazetari i njohur, Tonin Frroku, shihet bora e larguar, por gjendja e terrenit është mjaft shqetësuese. Me ironi ai shkruan: “E donit kështu fushën e stadiumit “Skënderbeu”? Ja si e keni, mrekulli!”. Kujtojmë që ndeshja Skënderbeu – Vllaznia është programuar të zhvillohet në orën 13:00, në stadiumin korçar.
![](https://newsport.al/wp-content/uploads/2021/02/edonit.png)