Frankfurt dhe Rangers luajnë më 18 maj në orën 21:00, finalen e Europa League. Takimi do mbahet në Sevilla, stadiumi “Ramon Sanchez-Pizjuan”. Për këtë ndeshje pritet të ketë shumë tifozë skocezë dhe gjermanë që do mbërrijnë në mbështetje të ekipeve të tyre. UEFA kishte kërkuar fillimisht, të mos udhëtonin tifozë të Rangers, që nuk ishin pajisur me biletë. Vendim që ka ndryshuar së fundmi.
UEFA, policia spanjolle dhe autoritetet në Sevilla kanë rënë dakord që të presin tifozë të Rangers në qytet, të cilët nuk janë pajisur me biletë për finalen. Megjithatë, tifozët do të kenë mundësi të blejnë biletë 10 euro për ta parë ndeshjen nga stadium tjetër në Sevilla, “La Cartuja Stadium”.
Loading ...
