E bujshme nga Spanja! Prestigjiozja italiane “Corriere dello Sport” shkruan se Çezare Prandeli ka dhënë dorëheqjen nga stoli i Valencias.
Ish-trajneri i Italisë largohet nga pankina e skuadrës spanjolle pas vetëm tre muaj në këtë detyrë, me një bilanc: 1 fitore, 3 barazime dhe 4 humbje. Trajneri italian ka paguar kështu koston e largimit pas marrëdhënieve jo shumë të mira me disa nga titullarët e Valencias.
“Kush nuk luan për fanellë, të largohet”, kështu u shpreh Prandeli para ndeshjes kundër Real Sociedad, ndërsa drejtuesit e klubit i kishin ndaluar përforcimet në merkato për shkak të problemit me “Fair Play-n” financiar.
