De Biazi: Jam krenar për ju, dua një ndeshje të madhe

Xhani de Biazi ka motivuar djemtë kuqezinj para ndeshjes me Rumaninë. Ai është shprehur shumë i kënaqur me skuadrën e tij dhe ndihet krenar për atë që ka arritur, dhe pikërisht me ata. “Misteri” kërkon përqëndrim në ndeshjen e së dielës për t’i treguar botës që shqiptarët luajnë si të barabartë ndaj çdo skuadre.
“Jam krenar që jam trajner i juaj. Jam krenar që zgjodha t’iu drejtoja, por dua të them se dua të jem krenar edhe të dielën në mbrëmje sepse dua që të shikoj një ndeshje të madhe. Dua që t’i tregoni të gjithëve se nuk jemi inferiorë përballë asnjë skuadre”, u shpreh tekniku italian, duke i dhënën një forcë më tepër për ndeshjen e shpresës.