Real Madrid do të ndeshet të shtunën kundër Atletico Madrid në Bernabeu. Përpara derbit, trajneri i madrilenëve Ancelotti foli në konferencën për shtyp.
Para disa kohësh, Diego Simeone tha në një konferencë për shtyp se ai do të donte të mësonte nga Ancelotti. Lidhur me këtë koment italiani u shpreh:
“Do të doja të shpenzoja kohë me të sepse ne e duam futbollin. Ai nuk ka asgjë se çfarë të mësojë nga unë. Nuk e kam parë kurrë se si ai punon dhe do të doja të shoh se si është puna e tij ditë pas dite. Kjo gjithmonë të jep më shumë dije, të shohësh se si trajnerët e tjerë e përgatisin ndeshjen. Ashtu mësohet. Ndoshta pas ndeshjes ai mund të më thotë si ai e përgatit atë, dhe unë do t’i them se si e përgatis ndeshjen. E pëlqej Simeonen si njeri. Ai është shumë i ndershëm në vlerësimin e ndeshjes. Nuk duhet të harrojmë që suksesi i Atleticos në vitet e fundit është në identitetin që ky trajner i ka dhënë atyre”, ka përfunduar Ancelotti.
