Ende pa nisur Kupa e Botës, janë shfaqur “shkëndijat” e para mes protagonistëve. Në një prononcim të fundit për mediat, ylli i Francës, Kylian Mbappe e ka bërë të qartë objektivin e “Gjelave” në këtë kompeticion, triumfin:
“Objektivi është i qartë, të fitojmë Kupën e Botës. Nuk e kuptoj këtë bisedën për gjysmëfinalen. Nëse objektivi është gjysmëfinalja, a shkojmë deri aty, ndalemi dhe kthehemi në shtëpi? JO!
Objektivi është të fitojmë. Ëndrra e të gjithëve”. Në 3 miqësoret e fundit me kombëtaren, Mbappe nuk ka shënuar asnjë gol, sikurse ndodhi mbrëmë karshi Irlandës së Veriut, tregues i një momenti jo pozitiv, megjithëse pa ndonjë ndikim.
Transalpinët ishin shumë pranë në Botërorin e 2022, por u mposhtën pas penalltive nga Argjentina e Leo Messit.
Lexo gjithashtu
