Marcos Llorente ka marrë vendimin për t’i dhënë fund aventurës së tij me kombëtaren e Spanjës. 31-vjeçari mbyll kështu një kapitull të rëndësishëm të karrierës së tij ndërkombëtare, pas gjashtë vitesh me fanelën e “La Roja”-s.
Llorente debutoi me Spanjën në vitin 2020 dhe gjatë periudhës së tij me përfaqësuesen regjistroi 27 paraqitje. Futbollisi i Atletico Madrid arriti të fitonte vetëm një trofe madhorë, atë të Kupës së Botës së këtij viti ku mposhtën në finalen e madhe Argjentinën.
Tashmë, në moshën 31-vjeçare, Llorente ka vendosur të mbyllë aventurën ndërkombëtare dhe të përqendrohet te karriera në nivel klubesh.
DEKLARATA NË SHQIP
Pas shumë kohësh duke e menduar gjatë, kam vendosur ta mbyll kapitullin tim me Kombëtaren.
Jam i vetëdijshëm se jam ende i ri dhe se, ndoshta, nëse do të vazhdoja t’i bëja gjërat siç duhet, do të kisha ende vite për të luajtur me këtë fanellë.
E di që shumë prej jush nuk do ta kuptoni dhe, me shumë mundësi, as unë nuk do ta kisha kuptuar po të isha në vendin tuaj. Por është një vendim personal, shumë i menduar dhe, mbi të gjitha, i marrë me shumë ndjenjë.
Pavarësisht nëse do të shkoja apo jo në Botëror, apo nëse do ta kishim fituar apo jo, këtë vendim e kisha marrë tashmë.
Mund të jem vetëm pafundësisht mirënjohës ndaj të gjithë njerëzve me të cilët jam takuar gjatë këtyre viteve dhe që kanë bërë të mundur që unë dhe familja ime të jetojmë momente unike dhe të paharrueshme.
Më mbetet gjithçka që kam përjetuar, por mbi të gjitha këto 52 ditët e fundit. Me një grup të mrekullueshëm që luftoi deri në fund për ta lënë Spanjën në majë. Dhe kështu bëri.
Ka qenë një krenari të përfaqësoja vendin tim dhe të isha pjesë e kësaj historie.
Faleminderit për gjithçka.
Një përqafim për të gjithë.
View this post on Instagram
Lexo gjithashtu
