Rivaliteti është gjithmonë prezent në fushë, sidomos kur zbresin dy skuadra që mbajnë pas vetes historinë dhe “ndezin” stadiumin për të shijuar më pas spektaklin. Mirëpo, kur në mes “pllakos zia”, respekti prevalon mbi gjithçka dhe kjo u mendua kur Juventus zgjodhi ta nderojë me një minutë heshtje ish-legjendën e Interit Sandro Mazzolan, përpara se të niste sfida me Atalantën.
???????????? Juventus fans turned their backs during the minute of silence for Inter Milan and Italy legend Sandro Mazzola. Fans in the Curva Sud refused to participate in the tribute for their historic rival's iconic captain, turning away from the pitch and breaking the silence with… pic.twitter.com/kfBv3yaz0H
— Ultras Clips (@ultras_clips) September 20, 2026
Mirëpo, ndryshe nga sa vepruan lojtarët në fushë, tifozët ndoqën një tjetër sjellje. Ultrasit bardhezinj kthyen shpinën, duke bërë që klubi pas përfundimit të takimit me “Bergamaskët” të vinte me një reagim “qortues” për sjelljen e shfaqur në fushë.
Përmes një komunikimi zyrtar, klubi u shpreh se për asnjë çast rivaliteti nuk mund të justifikojë mungesën e respektit përgjatë një minute heshtje.
“Të nderosh kujtimin e të përqafosh unitetin gjatë momenteve si këto përfaqëson një përgjegjësi të përbashkët që tejkalon përkatësitë dhe ngjyrat”, shkruhej më tej në njoftimin e shkurtër.
Kujtojmë se Juventusi mposhti Atalantën 2-0 në “Allianz Stadium”, ku la gjurmën e tij dhe sulmuesi shqiptar, Edon Zhegrova me një asist në minutën e 77-të për golin e dytë të Bremer.






