Vendi i lënë bosh nga Ronald Koeman në stolin e Kombëtares së Holandës, kanë bërë që drejtuesit e federatës të nisin me vlerësimin e kandidaturave. Pasi morën fillimisht “JO”-në nga Erik Ten Hag dhe Arne Slot, tashmë te Holanda po studiohen dy profile të tjera.
I pari që po qarkullon masivisht në rrjet është Roberto Martinez. Ish-trajneri i Portugalisë dhe i Cristiano Ronaldos u largua nga stoli i kësaj skuadre kombëtare pas eliminimit nga çerekfinalet nga Spanja.
Marrë të mirëqeni faktorin se ka një eksperiencë tejet të pasur pasi ka qenë edhe në krye të Belgjikës, i jep më shumë "epërsi" në tratativat fillestare.
I papunë që prej asaj dite, spanjolli është kontaktuar nga drejtuesit për të kuptuar mbi mundësitë e një emërimi të mundshëm të tijin në pankinë.
Një tjetër pistë që nuk duhet nënvlerësuar është dhe ai i Xavi Hernandez. Eksperiencat e tij me Al Saad dhe Barcelonën (produkt i katalanasve), janë dëshmi e një trajneri që është provuar në statusin e trajnerit dhe 46-vjeçari është po ashtu në “lupën” e vlerësimeve nga ana e Holandës.
Gjithçka do të kuptohet nga bisedimet që do të mbahen me dy trajnerët përpara se të thuhet edhe fjala e fundit, për të zyrtarizuar dhe të riun që do të marrë stolin e “Tulipanëve”. Po ashtu, vlen të rikujtohet se edhe Louis van Gaal qarkulloi si emër për t’u kontaktuar lidhur me këtë detyrë.
Lexo gjithashtu
