Egnatia i duhet të japë shumë nga vetja përballë Shamrock Rovers, nëse do me patjetër të prekë kualifikimin për në “play-off”-in e Europa League. Sonte në mbrëmje, rrogozhinasit do të hidhen në fushë vetëm për fitore në “Arena Egnatia”, ndeshje që do të nisë prej orës 21:00.
Disavantazhi i takimit të parë në Irlandë ku pësuan tre gola dhe shënuan vetëm një, bëri që “matematika” t’ia heqë përfundimisht shpresat e një kalimi më tutje, mirëpo në “tokën shqiptare”, ekziston besimi se mund t’ia dalin.
Për t’i shtuar më shumë “motivimin” Egnatias, mendon platforma e njohur mediatike “Flashscore”, e cila ka përditësuar dhe kuotat e ndeshjes së sotme.
Fitorja e Egnatias kuotohet 2.10, një barazim 3.30, ndërsa një sukses i Shamrock Rovers 3.20.
Nuk mjafton vetëm kjo, nëse i referohemi gjithashtu edhe formës që ka treguar ky ekip, në javët e fundit, specifikisht kur i luan ndeshjet jashtë.
Dy humbje dhe një barazim. 4 gola të pësuar dhe asnjë i shënuar. Një formë me “lëkundje” që mund të shfrytëzohet mjaft mirë nga “djemtë” e Nevil Dedes që të godasin në pikën e tyre më të dobët rivalin.
Lexo gjithashtu
