Mesfushori qendror, Klevi Qefalija po udhëheq Dinamon në Kupat e Europës. Edhe pse ka pozicion larg portës mike, 22-vjeçari po demostron aftësi të jashtëzakonshme goditëse.
Në 3 ndeshjet e fundit të Conference League, Qefalija grumbullon 2 gola, e ku i djeshmi kundër Auda ishte “kryevepër”. Forma e jashtëzakonshme prej “benjaminit” të Ilir Dajës, ka arritur deri në Greqi.
Mediat helene, konkretisht “cult24.gr”, i ka kushtuar shkrim të veçantë lojtarit të Dinamos. “Mesfushori shqiptar i Dinamo City, Klevi Qefalija, ishte një nga shënuesit e ekipit të tij kundër Auda letoneze. Dinamo City fitoi 4 – 0 dhe u kualifikua për në fazën Play-Off të Conference League.
Atje, Dinamo do të përballet me Pafos, kështu që miqtë tanë qipriotë do të kenë një shans për të parë nëse ky lojtar është aq i frikshëm sa emri i tij”, postimi i “cult24.gr”.
Klevi Qefalija kushton 350 mijë euro sipas “Transfermarkt”, ndërsa është në kontratë me dinamovitët deri në verën e vitit 2028.
View this post on Instagram
Lexo gjithashtu
