Sindikata e Futbollistëve të Pavarur Shqiptarë ka zhvilluar sot një mbledhje me lojtarët e Superiores. Lajmi është bërë me dije në kanalin zyrtar ku u theksua se shumë prej tyre s’janë paguar.
Në këtë takim është vendosur që do të firmoset një kontratë kolektive mes FSHF-së dhe Sindikatës me qëllim që problemet e konstatuara të marrin fund një herë e mirë. Me në krye Andi Lilën, kjo sindikatë bënte me dije:
Sot u zhvillua një takim me futbollistët të ekipeve të kategorisë superiore.
Me të cilet u diskutua,problemet që kan sot futbollistet Shqiptare!
Në të gjitha diskutimet problematika kryesore ishte ajo e mos pagimit të pagave. Situatë e cila nuk ka lindur gjatë periudhes së pandemisë por që është rënduar më shumë në periudhen e pandemisë.
Nga futbollistët jemi venë në djeni se prej disa muajsh nuk paguhen,ndërsa në këtë periudhë mosdhenia e pagave presidentet e kan justifikuar me problemin e pandemisë.
Në këtë takim u vendos që prioriteti kryesore I futbollistëve shqiptar do të jetë nënshkrimi i kontratës kolektive midis Fshf dhe sindikates me qellim që problemet e konstatuara në këtë mbledhje të marin zgjidhje një herë e pergjithmonë.
Për këtë arsye u percaktua një kalendar veprimi si dhe hapat gradual që do të ndërmarë sindikata për realizimin e objektivit te saj”.
Ndërkohë ajo që vihet re në këtë mbledhje është se asnjëri nga futbollistët nuk ka zbatuar distancimin fizik, si masë e vendosur nga instancat përkatëse të shëndetësisë për të penguar përhapjen apo infektimin me Coronavirus.
