Klubi i Tiranës i ka kushtuar disa rreshta të veçantë, Arzen Vocit. Fizioterapisti i bardhebluve mbush plot 10 vite që punon te 24-herë kampionët e Shqipërisë.
Përmes një postimi falënderuar, kryeqytetasit tregojnë fillimet e Vocit, ndërsa në fund e mbyllin duke theksuar se do të jetë gjithmonë pjesë e familjes së Tiranës.
“10 vjet me zemrën te Tirona!
T’i përkushtohesh me besnikëri dhe devotshmëri një klubi është diçka që gjendet rrallë. Ne jemi me fat ta gjejmë këtë gjë në gjirin tonë. Arzen Voci, mjeku i klubit mbush sot plot 10 vite punë në shërbim të bardhebluve.
Ai prej një dekade ka qënë dhe mbetet një nga shtyllat më të rëndësishme të klubit duke mbajtur në kontroll fizikun e lojtarëve tanë. Arzen, faleminderit për punën e palodhur, besnikërinë dhe profesionalizmin tënd. Përjetë pjesë e familjes së madhe bardheblu!”, shkruhej në faqen zyrtare të Tiranës.
Loading ...
