Shkëndija e Tetovës ka rifilluar sot përgatitjet për sfidën kundër Nju Saints në Champions, pas kthimit nga Sllovenia ku zhvilloi fazën përgatitore. Ekipi mori tre ditë pushim pas rikthimit në Tetovë, dhe sot ka nisur sërish seancat stërvitore me regjim mesatar, për të rigjetur freskinë.
Vetë klubi në njoftimin e nxjerë bën të ditur se situata te lojtarët është e mirë, ku nuk ka asnjë të dëmtuar dhe grupi gëzon formë optimale. Shkëndija do të ndeshet me uellsianët të martën në stadiumin “Filip i II-të” në Shkup.