Tifogrupi ultras i ekipit të Partizanit vazhdon me përgatitjet për ndeshjen e vlefshme per turin e dytë eleminator të Ligës së Kampionëve ndaj Ferencvarosh, e cila do të zhvillohet të mërkurën e 13 korrikut në orën 20:00 në stadiumin “Elbasan Arena”.
Përmes një njoftimi në faqen e tyre në “Facebook”, “Ultras Guerrils” njofton anëtarët se tifogrupi do të vendoset në tribunën C2 dhe se transporti nga kryeqyteti drejt Elbasanit do të jetë falas. Njoftimi sugjeron anëtarët e grupit të nxitojnë të sigurojnë një biletë pasi numri i kërkesave është shumë më i lartë se biletat në dispozicion.